Geguritanku

Mupus Pangangen-angen

Atiku mung kaya kanggo dolanan

dolananing kahanan

Nalika rasa iku teka

pranyata aku ora bisa suwala

Sanajan saben wektu iring-iringan

nanging ora tau  bisa bebarengan

Pangangen-angen murih bisa nyawiji

kudu dipupus wiwit saiki

Apa gunane daklari ayang-ayangmu

Yen pungkasane mung bakal nglelara atiku

Kahanan iki kang njalari

aku kudu nyingidke rasa

Kahanan iki dadi seksi

manawa sejatine aku duwe rasa